张振朗 同 刘佩玥 日前飞往新加坡同马来西亚，与两地粉丝庆祝中秋节，喺马来西亚举行活动当日虽然遇上大雨，但无阻粉丝嘅热情，更以尖叫声欢迎Owen同阿Moon到场， 眼见大家冒雨支持，振朗同阿Moon都好感动，佢哋仲同大家玩应节嘅游戏，现场气氛都不知几热闹。而来自马来西亚嘅中声唱将 萧伟伦 亦现身舞台，以歌曲同大家欢度中秋佳节。
振朗同阿Moon随后又同另外两位中声唱将 尤淑情 郑仲豪 一齐出席音乐节，现场仲有烟花汇演，第一次喺当地庆祝中秋嘅振朗同阿Moon亦趁机打卡留念，阿Moon仲大展歌喉，深情献唱。
而尤淑情同郑仲豪就以实力炸爆舞台，郑仲豪话以往都系同家人度中秋，今年有机会同咁多人一齐过，系好特别嘅体验。尤淑情话终于圆梦喺街头献唱，仲要有咁多人捧场，心情好兴奋。
