颜米羔 虽然平时忙住幕前歌唱事业，不过一直未忘老本行嘅摄影专业。最近佢就同朋友合资开设嘅宠物摄影影楼，获一众中声老友到贺。讲到影楼嘅摆设，米羔都花尽心思，务求宠物置身其中有舒服嘅感觉，佢话因为地方太大，宠物反而会惊，所以布置似家居感觉，等宠物嚟到似喺屋企感觉。
饲养宠物嘅过程，主人同宠物往往会建立一份有如家人嘅感情，每当面对宠物离开嘅时候，𠮶份伤痛真系难以形容。呢日现身嘅 陈旭培 就经历过嘅伤心唔止一次喇，佢话试过一段时间，连续几年每年身边都有一只唐狗离开，自始就无再养狗。而 许文轩 同样经历过两只爱猫喺眼前离世，之后再无勇气去经历宠物生命喺手中流逝嘅感觉。 刘晓昆 同样试过家中嘅仓鼠离世，佢要花一段时间先接受到。
