由台湾资深主持人 胡瓜 发起嘅公益演唱会，最新一轮演出邀请到 巫启贤 担任嘉宾，虽然系慈善骚，但巫启贤当成自己个唱咁落力，送上连串首本名曲。
巫启贤创作过无数经典歌曲，当中有一首未必系最hit，但对佢嚟讲一定系最有意义，佢喺演唱会上分享自己8岁时母亲离世，相隔咁多年，自己对母亲嘅记忆、样貌已经慢慢模糊，但佢话自己最记得嘅，就系对方叫佢返屋企食饭嘅声音：「因为小时候我住在乡下，到了晚餐的时间，我妈都会在门口，对外面大声的叫『启贤！回家吃饭，你死去哪里啦！』」巫启贤感慨表示而家自己想听妈妈闹佢一句都已经无呢个机会，所以佢就写咗一首歌嚟思念妈妈。
之后巫启贤又以结他自弹自唱，演绎多首其他歌手嘅大热歌曲，佢仲即庆模仿好朋友张宇嘅独特唱腔。虽然出道超过40年，但巫启贤就话自己学习校长 谭咏麟 永不言休会继续唱落去。
