日前踏入27岁嘅 冯熙燮 同一众Fans开Party庆祝，Ryan仲获大家安排两个非常特别嘅生日蛋糕，而佢就以自己嘅悦耳歌声回馈大家支持喇。
呢日Ryan仲提到自己已投入筹备新歌，希望可以尽快提出同大家分享，亦希望作品可以带俾大家正能量，不过因为希望将Idea再微调修正到完美，所以主题同方向就先唔公开喇。
早前挑战担任节目《呢度都有外星人》主持嘅Ryan，就谦虚指自己表现只系刚好合格，因为自己系首次做主持，只能以过往睇节目嘅概念尝试，所以边拍边请教前辈，过程学到嘢仲非常开心，更加希望下次有机会再任主持，仲希望系饮食节目咁话。