张与辰、刘洋、李金凯、陈旭培、蔡宓婕（Mimi）同许美琪等几位TMG歌手，呢日到影楼拍摄宣传相，三位中声3师兄，比起中声4嘅师弟妹经验丰富，摆Pose都熟练好多，尤其与辰呢排清减咗唔少，见佢身穿Deep V轻松驾驭，与辰坦言近日上咗磅，由之前食肥咗32吋腰瘦到28吋腰，佢好满意现时成果。
刘洋同金凯成日孖公仔接Job，嚟紧佢哋好快又有新搞作，将会合作推出跳舞嘅快歌，两人努力排舞中，金凯笑言佢哋最大风格就系乱跳。
旭培呢日着住厚西装，仲戴埋皮手套，虽然热到成身湿晒，但佢好enjoy，因为觉得呢个形象好够型，正合佢心意。
Mimi呢日转咗个新发型，摆脱齐阴后睇上去清爽唔少，不过佢自己就对呢个新look冇乜自信，虽然收到好多网民赞好，但佢总觉得自己块面好似大咗，唔敢笑，惊一笑就好肥。
美琪呢日影宣传相心情兴奋，事关佢由七岁开始嘅梦想喺呢一刻终于成真，冇谂过自己真正可以加入TVB呢大家庭。
