郭富城Man爆做安全驾驶爸爸 胡杏儿带三子出行辛苦过拍戏

郭富城 （Aaron）爱车成痴就众所周知，呢日佢以代言人身份喺上海出席一个新车发布会，城城话虽然好享受揸赛车嘅速度感，但要接载屋企人就系另一回事。

城城话若果换新车或买新车，佢都会返屋企同老婆方媛Moka及女儿分享，无论买咩车或驾驶咩车都好，城城都Man爆表示心目中只有一个点，就系要家人或朋友坐佢车一定要安全，果然系个负责任嘅驾驶者。

发布会仲有另一位嘉宾胡杏儿，作为三子之母嘅杏儿对座驾要求好高，因为每次单独带小朋友出行都唔简单，比起拍戏更攰，杏儿话拍戏有剧本，凑小朋友系冇剧本，令佢秒秒钟有惊喜，杏儿更喺活动上展示三位宝贝仔嘅生活照，获观众大赞好可爱。