有「金牌经理人」之称嘅霍汶希（Mani）近日推出全新网上节目，首集与容祖儿（Joey）、关智斌（Kenny）、许靖韵（Angela）、曾比特（Mike）齐聚。Mani大爆谢霆锋年轻反叛冲动嘅秘闻，试过一拳把保姆车打凹；Mani又暗指张致恒系「最麻烦」，搞到关智斌被迫扮「表哥」送张致恒返学 。
Mani坦言「大师兄」谢霆锋年轻时相当麻烦，祖儿爆霆锋当年有次与Mani意见不合，唔想做Mani让佢做嘅事，霆锋一拳把保姆车打凹，Mani苦笑称霆锋系「铁拳浪子」，承认霆锋后生时反叛且有主见，Mani解释有时件事可能系需要咁做，但霆锋唔愿意做，就唔系坚持咁简单，仲可能系叫佢去东边，佢就肯定行去西边。
祖儿问到Mani带过最麻烦嘅人系边个， 随即望向身旁嘅Kenny，Mani并冇开名，暗示系Kenny以前嘅好朋友，众人恍然大悟，估计系Boy'z另一成员张致恒（Steven）。Mani直言对方真系好麻烦、极难管教，要逼佢返学，仲要用公司资源、司机，然后Kenny仲要扮演其表哥带返学，指对方极难管教，喺前门入学校，跟住就喺从后门跑走！
而呢位疑似Mani口中嘅「麻烦人」，近日与太太区燕雯（雯雯）受访时，爆夫妻日常相处因金钱及小孩管教问题起争执，雯雯透露二仔张天牧确诊自闭症及过度活跃症，大仔张天宝亦有情绪问题，会出手打弟弟，几个小朋友较为「特殊」，喺屋企时常打架，需要将佢哋分房隔离，雯雯指经济拮据仍坚持生四个，佢自责天真，相信张致恒给予嘅假希望 。
张致恒日前受访爆为养活一家六口背负逾百万巨债，曾到旺角某间财务公司借钱时，惨遭职员奚落，逼佢即席献唱〈死性不改〉先肯减免数千元利息，事后有声称系「债主」连环公开多张对话记录，踢爆张致恒私底下依然「周街借钱唔还」，称其借钱时语气卑躬屈膝，苦苦哀求，当苦主于向佢追讨欠款，张致恒态度转变，理直气壮话冇能力还。