啱啱过去嘅10月1号除咗系国庆日，亦系贾思乐72岁生日，最钟意热闹嘅Louie当然有朋友帮佢庆祝啦！Louie喺IG上载咗条短片，虽然系自己一个对住镜头唱生日歌，但就听到旁边有好多朋友合唱嘅声音。
生日蛋糕牌简单写住「Happy Birthday to Dearest Louie」，并插上数字72嘅蜡烛。Louie唱唱吓生日歌，仲将数字蜡烛对调由72变27，非常鬼马。好多圈中朋友同后辈好似陈洁灵、陈炜、王馨平、胡曦文、朱晨丽、黄建东等有留言祝贺。
Louie虽然已经72岁，无论心态同外表都keep住好young，仲要继续扮靓，片中见到Louie身后有一片眼镜墙，摆满各种唔同颜色花款嘅眼镜，Louie话自己最钟意就系收集眼镜，而呢度只不过系冰山一角。
