死有对证丨陈晓华案发现场中毒 马贯东记案件对白一字不漏

最新一集播出嘅《死有对证》高潮迭起，饰演法医嘅陈晓华同师傅韦家雄去到发现尸体嘅案发现场后，Hera因为掂到呕吐物中毒不适。

而另一场口系发现一副多年前嘅骇骨，韦家雄同Hera联同饰演警员嘅马贯东，一齐喺解剖室分析死者资料，毕业于中大护理系嘅Hera就话自身背景令佢特别容易投入角色，尤其喺记对白方面有好大帮助，加上自己对医学方面嘅知识特别有兴趣，所以拍得好开心。

饰演警察嘅马贯东同Hera由冤家聚头，演变到现时有啲暧昧，阿东喺剧中都同两位法医有好多交流，唔同瓣数嘅对白都要记得一清二楚，真系考起阿东嘅记忆力，尤其每个案件嘅时间、人物、地点、案发过程，每一个字眼都唔可以出错，不过相比起Hera两师徒，自己至少唔使背太多专业名词，已经算系好轻松。