林志玲呼吁妈妈们要学识爱自己 教识儿子踩单车心情矛盾

林志玲日前现身台北出席一个品牌活动，志玲姐姐虽然已经做咗妈咪，仍然好注重保养，佢话就算身份改变都唔可以忘记自己，更呼吁各位妈妈唔好放弃自己。

志玲姐姐话有开心嘅妈咪先会有开心嘅小朋友，要照顾好自己先可以照顾其他人，所以各位妈咪一定要学识爱自己。

志玲姐姐话自己不时会享受Me time，从中可以得到一啲小确幸，而最近令佢感到开心嘅仲有另一件事，就系仔仔学识踩单车。志玲姐姐话教阿仔踩单车嘅过程好有成功感，当自己真系放手，见到阿仔越踩越远，又有一种阿仔离自己远去嘅感觉，果然做妈咪嘅心情好矛盾。