陈山聪 星期五生日，近日获多位好友为佢庆祝正式「入五」转字头，唔止获工作团队、好友 佘诗曼 梁靖琪 等为佢庆祝，山聪亦公开同家人妻儿共同庆贺嘅相片。当中可见佢同太太Apple，仲有囝囝Jaco合照，生日蛋糕更以Jaco名义送上，甜到入心。
山聪写道：终于入5喇✌🏼人生进入另一个阶段，50岁嘅我仍然有好多目标好多梦想，不过唔再好似以前咁急于实现，余下嘅时间希望可以放慢脚步，慢慢跑慢慢追寻，继续努力☺️ 该放下的就放下🤘🏿今年生日愿望好简单，希望身边家人、朋友、长辈都身体健康💪🏽而我希望能够有日梦想成真💕。
大批圈中好友好似 袁伟豪 唐诗咏 胡定欣 龚嘉欣 仲有 姚子羚 胡蓓蔚 黄智雯 陈敏之 都留言祝贺。而一向鬼马嘅阿Bob，仲留言指山聪呢排生日餐餐都美食当前，笑言使唔使餐餐都食咁丰富呀，求其整两个印尼捞面得啦，更获寿星回应话：你到咗50岁我请你食餐好好嘅。
