型男黄宗泽（Bosco）系忠实赛车迷，近日前往马来西亚朝圣，献出人生第一次现场睇F1国际赛事嘅体验，见佢直接闯进Pit Lane，近距离围观车队车库，又晒出与偶像Fernando Alonso（费兰度·阿朗素）嘅自拍，秒变开心小粉丝。
Bosco喺社交平台分享现场打卡照，Bosco与偶像Fernando Alonso合照并留言：「终于见到你啦⋯⋯！ Finally meet you! Yeah……✌🏼✌🏼✌🏼🏎️🏎️🏎️」隔住mon都感受到佢追星嘅兴奋心情。西班牙赛车手Fernando Alonso系F1历史上最资深、最具天赋嘅传奇赛车手之一，两届一级方程式赛车世界冠军，累积超过400场F1出赛纪录、32场分站冠军、106次登上颁奖台。
Bosco早前透露一得知F1重返雪邦国际赛道，就马上托朋友买飞，仲晒出4组Paddock Club贵宾顶级门票，相中见Bosco身穿Aston Martin车队嘅「绿色战衣」，进入车队车库参观，而贵宾区设于维修区及主直道上方，可以近距离感受赛车进站与冲线嘅震撼，Bosco亦旋即成为贵宾区焦点，唔少观众想同Bosco影合照，Bosco非常亲民来者不拒，为观众带嚟双倍嘅快乐。
