昆凌、邱以太等一众演员现身新戏试映活动，电影以台湾首部真人转描、全2D手绘嘅动画作为卖点。呢套戏更系昆凌相隔5年再闯大银幕，佢喺活动分享接戏原因，系因为对剧本感到好奇，好难判断会结局会以咩方式完结，亦因如此被深深吸引。
昆凌呢次同邱以太有好多对手戏，仲有床戏演出，佢就话同以太合作好开心好自然，亦好放松。被问一路以嚟，觉得系边个陪住自己？昆凌表示，虽然自己陪伴自己最耐，但因为有家人陪伴同鼓励，自己先可以成为更好嘅人。
邱以太形容昆凌气场强大，最初都唔敢同佢讲嘢，直到后面交流多咗先开始放胆问问题。讲到拍床戏时嘅感受，以太表示自己冇心理负担，亦保持安全距离，不过脑海都会谂起周杰伦嘅歌曲。
