陈晓华 姚子羚 钟柔美 关嘉敏 仲有久未于香港现身嘅 李雨阳 等，呢日一齐参与一个国庆活动，而 林夏薇 参与嘅重头剧《玫瑰战争》，呢日佢就指非常喜欢自己演出嘅角色，加上又系再一次同 杨茜尧 合作火花四溅咁话。
薇薇又提到今次同 陈豪 茜尧以及子羚最多对手戏，更指估唔到阿Mo嘅幽默感非常强，仲学到唔少嘢咁话。
至于上一季曾与自己配对嘅Matthew，竟然于新一辑再参与求爱勇者行列，Carman指自己当时见到对方即时呆立当场，亦未特别了解对方参与嘅原因，仲帮对方讲说话指可能自己未符合择偶标准呀。
Yumi早前参与义工为基层清理家居，亦专注健身操练，但系就因为要节食而有少少唔开心，正努力调节当中喇。
已好一段时间未有于香港现身嘅 李雨阳 呢日一头银发现身，仲话有兴趣再战幕前，仲于网上平台以AI制作短片，希望勾起观众对佢当年参演《四叶草》嘅回忆咁话。
