陈意涵 天心 怀秋 林子闳 等演员呢日现身新剧记招，天心同怀秋呢次会喺剧中有埋身肉搏嘅火辣场口，天心表示自己第一次拍床戏，呢种亲密戏比拍锡锡戏难度大，而且要同对手不停过招，真系攰过拍动作戏！
怀秋更自爆不慎走光搞笑事，佢分享事前准备会自己亲手为重要部位包扎以免走光穿崩，点知拍拍下天气太热，防护布走位，吓到佢要即刻整返好，仲叫大家以后拍亲密戏都系交由专人帮忙做防护会好啲。
子闳同林奕岚嘅亲密戏同样唔少，而喺剧中，林奕岚就更被好友刘修甫暗恋，呢种三角关系都令子闳话，无论喺剧中定系现实发生，都令佢觉得唔舒服，不过好好彩喺现实中冇发生过。刘修甫笑指自己嘅角色喺子闳同林奕岚亲热时好尴尬，净系得个「望」字，林奕岚就话，其实刘修甫唔系望住自己，系望住子闳先啱。
