魔音女团MYNT成员 宋宛颖 庄子璇 倪嘉雯 倪乐琳 乔美莎 卢映彤 联同 何广沛 主持嘅全嘅节目《玩转澳门劲满Fun》，将带观众游走澳门大街小巷探店，带观众深入了解老店同工艺，当然唔少得介绍玩乐吃喝食好西去处啦。
Sabrina呢日公开拍摄花絮同观众分享，身为中葡混血儿又喺澳门出生嘅Sabrina，返到自己地头格外亲切同兴奋，喺拍摄期间不时都玩吓街拍渗透仙气，又同队友四围食尽唔同美食，魔音女团喺节目中仲会一齐著上旗袍展现东方女性魅力。
除咗食同玩之外，佢哋之前已经挑战过飞越高空索道，亲身体验呢份刺激感，而今个星期播出嘅一集，何广沛同魔音女团又会接受另一刺激任务，登上极具特色嘅高空观景餐厅，喺50公尺半空开餐。经过之前嘅体验，相信佢哋嘅胆量已经有所壮大。
Sabrina亦上载多张佢哋喺高空开餐嘅照片，又留言话：「听说我要变喊包？不信！才没有。」来大卖关子，想知道佢哋真实嘅反应点就要留意节目喇。
《玩转澳门劲满Fun》今晚 21:30 翡翠台