梁洛施与马浴柯为定情作宣传 情侣档甜蜜放闪获完美配搭称号

梁洛施 与内地导演兼演员男友 马浴柯 公开恋情后，两口子经常不避嫌恩爱现身公开活动，近日佢哋一齐为定情之作嘅电影进行密集式宣传，喺内地多个地方同观众见面。Isabella同马浴柯两人频频放闪，又一齐分享回味拍摄细节，好多网民都大赞佢哋般配又合拍，系个完美组合，见到Isabella脸上流露幸福嘅笑容，都戥佢揾到真爱开心。

近日Isabella同马浴柯以及团队马不停蹄宣传期间，Isabella除咗会上载自己嘅靓相之外，日前出发往武汉宣传时都不忘同男友放闪，上载咗一张同马浴柯一齐开餐嘅照片同大家分享，两口子同样流露住由衷嘅幸福表情。

现年38岁嘅Isabella，与富商李泽楷诞下3子后，两人喺2011年宣布分手，之后Isabella专心凑仔至近年先全面复出娱乐圈工作，后与马浴柯合作而擦出火花，两人高调认爱，享受甜蜜生活。