陈洁灵 钟镇涛 邝美云 林智乐 许靖韵 等现身国庆文艺晚会，分别上台献唱气氛热闹，尤其Elisa演绎金曲《白金升降机》时，全场都非常投入。
Elisa早前同叶丽仪一齐开骚，更邀请到 陈奕迅 做嘉宾，两人喺台上擦出不一样嘅火花，唔单只令观众好回味，就连Elisa都一样记挂同Eason合唱嘅场面，Eason更视Elisa为佢嘅超级偶像，Elisa笑言：「我唔知道，我只知我系佢Fans，我同佢讲我听到你把声已经爱上咗你，一生人唔同你唱一首歌会有遗憾。」
Elisa又大赞Eason好sweet，当晚有备而嚟仲送上雪梨俾佢润喉。讲到两人有冇机会开骚？Elisa谦虚表示Eason自己已经好多歌，谂都唔好谂呢个狂想，可以合唱已经好开心。
刘钖明呢晚带同23岁女儿 刘安晴 现身，讲到阿女正式入行加入娱乐圈发展，刘钖明话自己冇咩传授俾阿女，觉得父母教阿女未必听，都系等老师去指导佢，日后希望父女档上阵。另外，钟镇涛同邝美云压轴合唱《我哋一家人》，B哥哥话稍后要到台湾拍戏，暂时要放低唱歌一轮，为咗新角色佢正在留长头发仲要加啲苍白，笑言佷做一个老嘅潇洒哥。
