梁咏琪 当年同西班牙籍老公 Sergio ，于西班牙结完婚返港时，喺机场引嚟无数媒体追访，呢次Gigi接受《一周星星》访问时，都有重提呢段往事，Gigi话当时见到咁多人影，自己其实好惊，同时亦令佢谂返啲唔好嘅回忆。
myTV SUPER重温《一周星星》精彩内容
Gigi仲话当时步出机场前，除咗要做好心理建设外，亦同Sergio讲叫对方唔好拖住自己，亦唔可以有太亲密嘅举动，因为担心会被媒体乱写。Gigi话而家睇返转头，自己唔会再惊，因为明白到呢啲都系传媒嘅工作，大家都系对事而唔系对人，只要大大方方，大家得到要交差嘅功课就OK。
婚后Sergio选择喺香港生活，Gigi指有段时间二人都会被狗仔队追访，佢坦言当时自己相当不安，因为担心会被乱写，所以每次见到狗仔队影相，即使喺餐厅食紧饭都好，佢都会想拉住Sergio即刻返屋企，呢个时候Sergio就会安抚佢嘅情绪，渐渐Gigi见到关于佢哋嘅报道都相当正面，先令佢唔再惊被传媒追访。