嚟紧11月将会六度喺红馆举行演唱会嘅 梁咏琪 Gigi ，据统计佢邀请得最多次担任佢演唱会嘉宾嘅歌手就系 郑秀文Sammi ，对方共做过4次佢红馆个唱嘅嘉宾，Gigi自己听完呢个统计都觉得好震惊。至于讲到点解会成日邀请Sammi做嘉宾，Gigi就话对方相当Nice，无论乐坛上嘅新人定同辈，Sammi都非常愿意支持。
讲到同Sammi之间嘅小故事，Gigi就话有一件事自己记到而家，佢指自己有一段时间好惊面对观众，个人好惊青好冇信心，当时Sammi刚好喺台边，于是对方就为佢打气，Gigi形容当时Sammi畀佢嘅力量好似迎面撞埋嚟一样。
Gigi又指当年因为自己唔够成熟，所以唔识点处理负面情绪，只好靠不断工作去逃避，佢话如果而家睇返转头，会选择照顾咗自己嘅情绪，先继续去工作。