TVB奇幻喜剧《驱魔速递》历经约两个几月嘅紧凑外景及厂景拍摄，于10月上旬顺利煞科，吴伟豪（Ricco）喺社交平台贴出幕后花絮，见图中印有「顺达快递」字样嘅快递纸箱，查实呢个就系剧中「表面是速递公司，暗中驱魔」嘅主题。
Ricco喺社交平台贴出TVB 新剧《驱魔速递》拍摄期间，主演与工作人员嘅幕后花絮，记录众人配合紧凑拍摄之外，留下好多欢乐又温馨嘅回忆。
新片讲陈晓华、Ricco、戴祖仪合组公司，表面上系速递公司，暗中接受驱魔工作，随后周嘉洛因缘际会下加入，众人喺剧中有大量动作与打斗戏，其中一张相见嘉洛与Ricco搞笑大骚手臂肌肉，另一张相见嘉洛与Ricco化逼真嘅「流血」伤妆，正与工作人员一齐喺电视城餐厅食点心。
相中见剧组上下打成一片，演员们与幕后工作人员不时开心聚餐，而陈晓华、戴祖仪嘉洛同Ricco因连续高强度拍摄，疲惫到等埋位前即「补眠」，直接喺外景折叠櫈上瞓觉，众人见惯不怪，趁对方瞓著后喺旁边做出搞笑表情。
Ricco于社交平台话无论情况几危险艰难，只要呢班人喺一齐，似乎就冇嘢系冇可能。呢几个月嚟，佢好享受所经历嘅每一分每一秒，希望呢套剧可以快啲同大家见面🙌🏼。
《驱魔速递》讲喺AI时代下，电脑工程师张喆（周嘉洛饰）因工作被取代而走投无路，误入一间表面上负责送货、实际进行驱魔嘅神秘公司。冷艳驱魔人霍冰冰（陈晓华饰）睇中佢嘅通灵体质，并强行开启「阴阳眼」，成为全队「驱魔雷达」，专门负责锁定周围嘅心魔与灵异异动。
