《女神配对计划2》各位求爱勇者正式展开佢哋嘅攻势，星期日播出嘅一集，大家虽然以玩游戏方式接近心仪女神，不过当中就可见唔少勇者都奋不顾身，其中 吴旭东 更不惜一切飞扑争櫈仔，之后又霸气以胸肌为 阮嘉敏 暖手，冧到Mandy面都红晒呀。
至于来港力求挽回 郭珮文 心意嘅Ice，就以深刻了解轻易胜出，不过Juliana亦公开当时分手嘅原因，系因为自己以结婚为前提交往，不过因为唔肯定对方对未来系咪有相同目标，更直指Ice性格为人无可挑剔，最后无奈分手。
至于Ice就斩钉截铁回应，话心中连住边同要几多小朋友都早已有计划，真系自信十足咁呀。
而 吴兆麟 亦轻松胜出游戏而有机会同 陈若思 增加相处时光，佢嘅表现亦令Amber相当满意。俞可程 亦对几位求爱勇者表现赞叹，而 何沛珈 亦非常满意Mark答中全部问题，不过倾偈时就狂踩地雷要倒扣分数喇。
《女神配对计划2》星期日晚 20:30 翡翠台