相信拥有一个舒适嘅安乐窝，系唔少人嘅追求，当然 张与辰 都唔例外啦，呢日佢就去到景色宜人嘅愉景湾拍摄睇楼节目，仲扬言话一定包大家满意呀！
第一次嚟到呢度嘅与辰，被现场环境深深吸引，唔单只觉得环境好舒服，感觉就好似置身外国一样，仲话可以住喺呢度嘅人相当幸福。当见到现场有一大片草地，与辰仲已经谂好，平时除咗可以喺度做下运动外，仲可以同毛孩喺度玩呀！
至于问到与辰如果要置业会考虑咩因素？佢就话一定要有开濶嘅景观，好似海景山景咁，坐喺屋企望住个人都会放松啲，另外方便都系一个重要因素，与辰话最好就系近机场、港珠澳大桥就最好喇。
当与辰介绍完呢个楼盘后，佢坦言自己都有置业嘅冲动，仲话家人好赞成佢买楼，话一个男人一定要有楼有车，所以自己都往呢方面努力紧呀！