肥妈Maria Cordero、黑妹李丽霞、车婉婉同中声家族成员，呢日夹计搞咗一个神秘黑超派对，惊喜贺周吉佩（吉吉）40岁生日，准备手抛彩带同礼炮等迎接寿星，今次呢个生日会系吉嫂黄彦欣窝心安排。
肥妈问吉吉系咪好开心，吉吉笑称有啲吓亲，随后肥妈同黑妹姐向寿星送生日利是，吉吉话好多搞生日派对系咁多人一齐聚，以往都系简单度过，婉婉笑问吉吉有冇发现呢两个月嘅人缘好差，完全冇人揾，婉婉话怕揾吉吉会忍唔住漏咗口风。
肥妈同黑妹姐当日行程排满，仍第一时间嚟等寿星吉吉出现，虽然肥妈同黑妹要跑几场庆祝活动，二人却一直视中声家族成员系自己嘅仔女，尽量抽时间出席活动。颜米羔嚟紧同吉吉合作开班授徒，教人喺台上点去演绎自己，要表达到当刻情绪，希望有啲火花。
