热播剧《死有对证》中嘅 阮浩棕 为追访男星Juicy车震新闻而近距以身犯险，期间更因被发现而揸电单车逃走，途中更发生意外。早前拍摄呢幕戏份时，唔识揸电单车嘅Nic，就要拜托替身上阵代佢出演行驶戏喇。
炒车一刻由佢亲身上阵，阿Nic就指呢一场Easy Job，过往亦曾经历唔少动作戏份，不过要扮揸电单车就要先请教同事先似模似样喇。至于佢同报馆同事 吴若希 嘅关系会点进展，阿Nic把口就似足唔可以漏料嘅记者一样，鬼咁神秘，仲话同Jinny之间会发展一段特别剧情，更系佢未曾演过嘅内容嚟呀。
《死有对证》星期一至五晚 20:30 翡翠台