钟丽淇 早前突传出因健问题需留医深切治疗部，病情令外界非常担心。而早年曾同Margaret拍拖嘅 梁荣忠 呢日现身一个微电影宣传活动时，亦被问到旧爱情况，佢指自己都系由传媒报道中得知消息，希望Margaret尽快回复健康。
佢又话已经好一段时间未有同Margaret联络，所以未知其中细节，亦相信大家俾空间佢休息同复原。
已转型主攻网上频道分享动漫主题嘅佢，亦曾被观众提议分享过往娱乐圈故事，不过就被佢拒绝，梁荣忠就指过去嘅已慢慢淡忘，不过自己就无兴趣向呢个方向发展，更指自己对娱乐圈中事已无甚兴趣喇。
呢日同场出现嘅 张子丰 早前宣布同 王菲 定婚，而未婚妻近日于热播剧有亲热场面，佢就大派定心丸指明白演员工作，亦非常支持对方发展，但同时心情又会啰啰挛，仲会自动避免收睇呀。
吴业坤 就会参演其中一部作品，仲话今次角色高冷、靓仔、霸道又变态，听到都觉得立体又复杂，虽然担心不过就相信导演会塑造自己成为剧本中嘅角色，亦满足自己挑战唔同角色嘅快感咁话。
