郭柏姸 近年事业运强劲，唔只喺戏剧角色摆脱乖乖女形象，喺《夫妻的博弈》成功以令人又爱又恨嘅渣女一角令观众眼前一亮，而《飞常日志2》中嘅机师方可儿就型格飒醒。除咗喺戏剧有突破，佢仲发展个人时装品牌，成功成为多栖艺人。
Rosita喺10月5号踏入29岁生日，佢喺社交平台分享多张庆生靓相，相中可见Rosita手捧鲜花，而佢拎住嘅唔系蛋糕，而系插上花型爱心生日牌嘅蜜瓜，而配文非常简单，只写有「It’s my 29」。佘诗曼、罗毓仪、陈炜、陈懿德等多位艺人都有留言送上祝福。
而喺生日隔日，Rosita就分享一段喺泰国拍摄，喺日落下嘅游船河嘅短片，更贴心为大家整理好最佳拍摄黄金时段呀！
