喺《女神配对计划2》力求同 郭珮文 旧情复炽嘅前男友 lce俞鋆瑞 ，呢日同组合VIVA仲有IdG Bubbles，齐齐扮鬼扮马现身一个万圣节活动，日前被指已同JW王灏儿秘婚嘅 王至尊 亦有出席，不过佢未接受传媒访问就匆匆离场。
一直扬言要追返Juliana嘅lce，即使面对两位强敌但仍然充满信心，佢仲话要约Juliana一齐去庆祝Halloween。lce分享，Julianna知道佢好钟意万圣节，而佢自认自己好钟意被吓，不过Juliana就较为细胆，所以可以互补，自己可以保护返Juliana。
lce仲话，如果约到Juliana就打算扮热狗，因为Juliana见到一定会笑，而Juliana就可以扮茄汁，咁样件事就可以变得好浪漫。
以女巫装现身嘅VIVA喺打扮上都落足心机，而四位当中最大胆嘅非Ada莫属喇！Ada就话，自己会喺屋企睇鬼片，但三位姐妹就会好惊。虽然去鬼屋嘅话自己都会惊，但更多系期待被吓，其他三位成员听见时都即刻拧头，自认系惊青派。
