薛家燕同5岁宝贝孙石汶栩（Julian）呢日为慈善一齐行骚，宝贝孙全程表现淡定，令家燕姐觉得好惊喜，家燕姐最近工作忙不停，事前冇时间同孙仔排练，完全谂唔到孙仔好识摆甫士，Julian仲话钟意行Catwalk添！
Julian话啲甫士系自己创作，家燕姐话阿孙好钟意音乐，又学打鼓、弹琴、跳舞同游水等多才多艺，加上精灵可爱嘅Julian懂多国语言，难怪家燕姐锡到个孙㶶。
家燕姐嚟紧开骚，想两嫲孙同台演出，Julian仲有机会为嫲嫲担任鼓手，同场行骚仲有甄泽权（Louis）两父女，爱女Kacy受访时，对答如流毫不怯场，Louis话爱女一向好钟意表演，爱女仲向Louis送上香吻。
