热播剧《死有对证》踏入结局周， 陈晓华 马贯东 韦家雄 阮浩棕 等一众演员齐集为剧集宣传。喺剧中饰演毒舌法医嘅韦家雄因为狂爆金句大受欢迎，活动上仲获颁金句人气王名衔。玩游戏期间，阿东亦抱起Hera展示力的表现。剧集播出以嚟连续三个星期收视上升，对演员嚟讲真系一个大喜讯！
Hera表示感恩可以加入剧组，阿东更用「如果冇家雄哥，我哋就好似一个停摆嘅齿轮」去形容前辈嘅重要，就连Hera都好赞成呢个讲法。Hera仲话家雄哥嘅人生充满爆肚，自己都系跟佢学习，所有自由奔放都系学家雄哥。讲到剧情发展，阿东透露，除咗生死之外，大家一定要留意佢同Hera最后一场戏，Hera都话𠮶场戏好Sweet㗎！
韦家雄嘅实力演出获观众激赞，尤其佢嘅金句为认真嘅情节增添咗唔少生气。家雄哥话自己都唔知有咁多金句，因为每日拍摄，积埋积埋就变成咁多。黎燕珊都认同家雄哥系金句王嘅事实，表示同对方开工系好开心嘅事。
家雄哥分享，自己都会为剧本作出小小修改，因为知道角色经常要闹人变得乞人憎，所以会将佢变得可爱啲。对于观众认为佢呢次可以问鼎视帝，家雄哥谦虚回应：「观众俾咗我喇！已经攞咗60分，已经好开心。」
珊姐日前喺节目《流行都市》宣布将会同圈外男友结婚嘅好消息，大家都为呢段黄昏恋可以修成正果而送上祝福。珊姐都好感谢同事、朋友向佢道贺，净系覆讯息都覆咗一日。讲到婚期系咪定喺明年，珊姐就话同另一半一直有计划，只系当日上节目突然讲咗。至于求婚，珊姐答得甜蜜，简单形容已经过咗，呢一关系一定要做嘅，自己而家要追返啲时间，揾返失去咗嘅嘢。
同样都系快将成为新娘子嘅王菲，喺剧中同男对手一场车震戏引发回响。阿菲就话，呢场戏系较为后期先拍，前期一直都想快啲拍埋呢场戏，因为好惊。不过真系拍摄嘅时候就好顺利，导演都话出嚟嘅效果都好好。阿菲都话播出后收到好多观众分享Cap图，未婚夫就只眼开、只眼闭面对。讲到婚期，阿菲就话会即将睇场地，希望揾到场地同日子都啱。
《死有对证》星期一至五晚 20:30 翡翠台