周吉佩 （吉吉）与罗启豪（Ramon）呢日出席慈善活动，身体力行落台义卖奖券，获大批歌迷支持，二人以歌声答谢歌迷嘅爱心。
吉吉面对踏入四字头，换嚟一个心理关口，加上试过喺街见头晕，持续咗一个月，开始担心自己身体状况，睇咗眼科同脑科，暂时系冇事，诊断系咪有心理压力，吉吉反思系咪因岁数，令自己谂多咗，而家食药等自己瞓得好啲、个人放松少少。
Ramon下个月远赴加拿大担任华姐嘉宾，此行除咗工作之外，顺道重游成长地，趁机好好休息吓，Ramon之前去过多伦多、温哥华演出，佢话细个喺多伦多住咗3年，一家人每年都返加国探亲，今年佢计划喺演出前3日，早几日去多伦多探亲同旅游。
