10月6号系台湾已故女星 大S 徐熙媛 嘅50岁冥寿，大S嘅丈夫 具俊晔 妹妹小S 徐熙娣 S妈以及好友 范玮琪 同黑人 陈建州 夫妇，呢日齐齐著上大S钟意嘅粉红色打扮，带埋香槟、蛋糕到墓园大S坟前追思。
小S喺社交平台分享多张亲友喺墓园嘅合照，相中可见大S嘅墓前放满粉色系鲜花，佢同妈妈喺墓前摆出对天空大叫嘅手势，又感性写道：「今天是我姐48岁的生日，当然要来帮她庆生，带了她最爱的香槟、蛋糕，坐在她旁边，又哭又笑地聊著我们的故事，以及我们有多想她！」
小S形容呢日嘅风雨时大时细，搞到大家就嚟冻死，真系好符合大S性格，虽然行文流露小S嘅幽默，但文末一句：「明年我就比她大了，我就多了一个超级巨星妹妹，大S。」充满佢对大S嘅思念之情。
至于之前传同S家因遗产问题不和嘅具俊晔，就喺合照中展现笑容并轻搭S妈肩膀，以行动打破早前盛传嘅争产不和传闻。大S嘅好友阿雅就喺社交平台撰文分享同大S多年姐妹情，怀缅好友。
