谭嘉仪 今年8月宣布圈外男友定婚嘅好消息，中秋节亦于网上同大家分享豪华过大礼仪式。而完成过大礼后，嘉仪就同未婚夫飞到意大利水乡威尼斯，拍摄充满浪漫唯美风格嘅婚纱照，一对准新人一身盛装，就如童话中嘅王子公主一样，嘉仪身穿嘅低胸婚纱亦非常吸引，设计完全衬托出佢嘅好身材！
嘉仪又深情向另一半表白：「Take my hand, take my whole life, too. For I can’t help falling in love with you.」流露出对两人未来展开新生活嘅期盼，以及对未婚夫嘅爱意。而呢辑相中，其中一张系嘉仪被未婚夫深情亲吻脸庞，隔住个Mon都感受到放闪程度爆灯，以及佢哋嘅恩爱甜蜜，多位圈中人亦纷纷师一对准新人留言送上祝福。
