卫兰Janice 三场嘅世界巡回演唱会香港站，将于下月于红馆举行，门票将于8号公开发售，而优先预购门票早前已火速售罄。
而为个唱预热，卫兰亦特别现身湾仔海旁，为乐队The Flame嘅Busking担任特别嘉宾。喺维港夜景与海风相伴下，与乐队主音张洁莹 (Kit) 合唱《心乱如麻》、《大哥》及《就算世界无童话》多首金曲，吸引数百名乐迷及路人围观驻足。
是次红馆演唱会，除咗庆祝卫兰出道20周年呢个重要嘅里程碑外，更系佢首度以「独立音乐人」姿态登上红馆嘅个唱。而呢次香港站演唱会，更会由原先嘅三面台升级至四面台制作，配合全新歌曲编排与专属视觉灯光效果。
