息影30年嘅 姚正菁 近日宣布全面复出娱乐圈，年坚57岁嘅佢状态依然，呢日佢就嚟到电视城作客《流行都市》分享近况。
姚正菁指自己喺化妆间补妆时，见到有位着住古装嘅女演员，即佢勾起当年拍剧嘅回忆。至于问到佢会唔会想再拍返剧？姚正菁就话如果有机会自己都好想拍剧，佢仲话以佢而家呢个年纪，戏路应该更加广，演妈妈、Auntie甚至嫲嫲都冇问题。
myTV SUPER重温《流行都市》精彩内容
今次复出姚正菁主打唱歌系做乐坛新人，好多嘢对佢嚟讲好新鲜，佢仲自己作曲填词，而家就为新歌填紧词，歌词相当励志，想鼓励大家呢个年轻都可以有自己嘅梦想。姚正菁又指因为自己系乐坛新人，要避开乐坛金曲嘅高峰期，所以新歌可能要11月或12月头先面世，佢仲话两个女都好鼓励自己去追梦。
复出无几耐，姚正菁就已经有幸到米兰参与时装骚，踏上国际舞台嘅天桥，不过佢就对自己呢次表现唔多满意，仲话自己闹出大乌龙，因为彩排时个舞台只得50米，但点知正式行骚有150米，自己只系行咗一半，令佢感到相当可惜。