陈晓华 同 韦家雄 作客 薛家燕 嘅电台节目，分享拍摄热播剧《死有对证》嘅难忘事。佢哋喺剧中嘅师徒组合大受欢迎，更成为热话，两位都好感恩可以得到观众喜爱。Hera就话，拍呢套剧嘅时候自己仲系好新，其实自己都会紧张，不过对住家雄哥就冇呢份感受。所以Hera就觉得系家雄哥特登令大家好轻松、放松，所以大家先会有好大自由度发挥，仲会对剧本有修饰同加以创作一啲小动作等等。
家雄哥喺剧中完美演活毒舌法医，一连串嘅刻薄闹人金句，睇得观众常受落，仲推举佢问鼎视帝。家雄哥就话，得到观众肯定就等于己经拎到视帝奖项，所以真系好感激大家支持。
Hera喺剧中不时需要出入解剖室验尸，拍摄期间佢仲遇上解释唔到嘅灵异事件。Hera表示，自己喺拍摄时突然手机响，但因为佢个性高敏，并唔钟意听到声、唔钟意震机，所以系长期静音，唔会用来电铃声，闹钟都系用另一个铃声，所以感觉事件好奇怪。佢仲话，喺拍剧期间经常感觉到有嘢喺附近，但自己亦唔会有好惊嘅感觉。
《死有对证》星期一至五晚 20:30 翡翠台