10月7号系安仔 周嘉洛 31岁生日，虽然生日都要开工，但系嘉洛就当作系一种福气。嘉洛一向人缘好好，呢日喺Canteen食饭𠮶阵就获嘅风少陈浚霆突袭惊喜，就连唔驶开工嘅三太樊亦敏都专程送上限定飞吻。
惊喜一浪接一浪，正同嘉洛一齐开工合作节目《好嘢讲多啲》嘅叶蒨文同焦浩轩，亦突然捧出一个生日蛋糕，成个Canteen瞬间变成狂欢派对，大家都好戥寿星仔开心，齐齐祝嘉洛生日快乐。收到大家满满嘅祝福，嘉洛都觉得好窝心，亦诚心许愿。
收到两个蛋糕嘅嘉洛表示，一切都好惊喜，自己每次收到蛋糕都会觉得好感恩同受宠若惊。三太就话，自己记错咗嘉洛生日系前一日，所以前一晚连夜剪片，呢日特登返公司同嘉洛庆祝。龚嘉欣透露，风少对嘉洛真系好Sweet好窝心，因为当风少知道嘉洛喺公司，就即刻准备生日惊喜，而且嘉洛讲过唔需要蛋糕，风少就去买咗苹果批做替补。
嘉洛自认自己对仪式感冇太大追求，同朋友一齐食饭已经好开心，唔需要特别破费。不过风少同三太就话，佢哋对仪式感好大感受，所以好想嘉洛收到蛋糕，三太仲祝嘉洛心想事成，想赚到十五亿嘅愿望可以早早实现。
