萧正楠 、 黄翠如 呢对恩爱夫妻最近齐齐忙于拍剧，但一个喺香港、一个喺马来西亚，需要暂时小别一段时间。不过二人嘅马来西亚好友近日喺南京开店，佢哋就为咗呢位朋友特别抽时间去到当地捧场，「小别胜新婚」嘅两位仲把握呢短短10个钟嘅相聚时间嚟个快闪约会。
翠如喺社交平台分享多张合照，当中不乏同阿萧嘅浪漫拍拖相，二人齐齐著上白色服装，又拎住玫瑰花背靠背摆Pose，举手投足都好有默契，仲衬到绝一绝。翠如喺文中除咗透露义好友嘅支持，亦同老公隔空约定：「这样吧，当我和你分别拍完剧，再约在南京，不再只是逗留10小时，而是好好品尝每一杯咖啡，还有每一份友谊。」最后更为阿萧、自己以及朋友打气，约定下次再见。
呢辑相更得到唔少网民留言称赞，大家都觉得两位好似影婚纱相一样，仲有粉丝鬼马留言：「想看哈哈也在婚纱照里面 🤭 搞错了，原来是在拍摄啊？」
