热播剧《死有对证》将于今晚（9号）八点半喺翡翠台播出大结局，观众都好想知道究竟吴若希饰演嘅单佩嘉点死？另外阮浩棕饰演嘅詹柏宇，又系咪真系杀死异父异母嘅哥哥，由谭坤伦饰演嘅甘世宏？
喺一众谜题等待对证揭晓时，相信观众都好想知道 陈晓华 饰演嘅程芷昕同 马贯东 饰演嘅高俊，又可唔可以有情人开花结果呢？
剧中演员们嘅表演都获观众一致好评，大家除咗喺官方活动落力宣传之外，亦都花尽心思呼吁大家收看。程医生Hera就暂时放低剧中嘅圆框眼镜同医生袍，换上清爽长腿女神造型，化身人肉流动广告，拎住剧集宣传纸牌喺中西区西半山游走。唔少途人同小巴乘客即时发现女神嘅踪影，而Hera亦高举纸牌作出呼吁，即使系阳光猛烈同不停喺半山游走，但系Hera都非常享受，因为自己嘅作品得到认同与好口碑，就乜都值得。