《中年好声音4》演唱会进入最后倒数，10强选手近日都忙于彩排，可能系少咗比赛嘅压力，大家唱歌明显放松唔少，一路唱一路玩，完全冇紧张气氛。郑仲豪话好耐冇同大家一齐同台唱歌，加上又冇参赛嘅压力，可以尽情玩，吴亦伟同其他唱将亦应同讲法。
10强当中有人曾经合唱，亦有人未曾合作过，佢哋就预告今次有啲组合一定可以带俾大家新鲜感，郑家声就话组合配对系大家未必谂得到，佢都预告冇谂过会同一位唱将合作，仲要唱𠮶首歌，令观众非常期待。
重温《中声4》激烈比赛过程
开骚在即，有人要跳舞积极，亦有人努力做身材管理，啱啱返完苏格兰嘅许美琪就好努力修身，佢话自己经已喺 当地日日节食，加上老公又不停提佢要修身。另外，许云妮话最难系保持皮肤好，因为工作忙令休息时间唔够，同时又要保持靓样兼长时间化妆，呢一切事宜都要学习。至于蔡宓婕一直都唔想感冒，点知人算不如天算，比儿子传染咗，不过安慰自己话骚前病好过开骚时病。
曾经参与中声4海选嘅邬友正，呢日同太太翁嘉穗都有来探班，佢话好开心有机会可以做嘉宾，喺演唱会上大骚苦练嘅歌艺，邬友正仲赞成班唱将唱功大有进步，而翁嘉穗话一直都好支持大家。