热播剧《死有对证》将于9号晚播出大结局，而今晚（8号）播出嘅剧情亦趋更加紧凑，饰演单佩嘉嘅 吴若希 明明约咗男友詹柏宇即系 阮浩棕 见面，点知就无啦啦被谋杀，伏尸喺草地上，扮演死尸嘅Jinny百无禁忌，拍摄时仲好享受躺卧喺草地上，连饰演高俊嘅 马贯东 都好似好羡慕Jinny咁享受。
平日爱搞笑嘅韦家雄，见到Jinny化咗个死尸妆容时，就讲笑话佢个妆同平时个妆差唔多，连Jinny都开自己玩笑，话自己化白脸妆几好睇，可以去日本化艺伎妆。myTV SUPER一齐拆解亡命真相
想知道边个对单佩嘉下毒手就要留意大结局揭盅，可以肯定嘅就系几位对手合作时充满欢乐，Jinny话25集剧情，自己去到第24集先同韦家雄交手，不过佢哋嘅对手戏好安静沉默，因为佢已经死咗，要等韦家雄饰演嘅资深法医林琛喺案发现场为佢验尸。
