今个星期泉叔 王镇泉Jeoffrey 继续为观众送上电影资讯，刚刚呢个礼拜电影业迎嚟一个非常震撼嘅消息，就系Paramount Skydance自从击败Netflix等等几间竞标对手，排除咗反垄断嘅审查障碍后，终于成功收购华纳兄弟探索集团，以1100亿美元完成呢次世纪合并。
最令人估唔到嘅系，首席执行长David Ellison随即宣布，paramount同华纳兄弟探索集团将会统一改名做Skydance影业，即系话大家将来就唔会再见到呢两个咁经典嘅片厂logo喇，跟住落嚟，系时候睇吓今个礼拜嘅新片速递喇。
另外，上年一套动画电影Kpop猎魔女团，成功刀仔锯大树，已经斩获超过5.4亿小时嘅浏览量，连带里面嘅歌曲亦都非常受欢迎，当然Golden呢首歌更加系红爆全球兼且横扫好多音乐奖项啦。
制作公司当时已经宣布会有一连串嘅后续制作计划，实行开拓一个Kpop Demon Hunter宇宙，而最新消息就系，佢哋已经决定今次开拍续集电影将会先大规模喺戏院上映，而唔系单单喺串流平台播，相信影迷一定非常期待可以喺大银幕度睇到呢队女团喇，呢个时候，不如睇吓今个礼拜香港票房龙虎榜先啦。
本周电影新片速递：
《社交清算》：作为《社交网络》（The Social Network）姊妹作，电影由真人真事改编。讲述年轻 Facebook 工程师 Frances（米姬麦迪逊饰）喺工作中意外接触到公司刻意封存嘅黑暗秘密，为咗公义，佢揾嚟记者 Jeff（谢洛美亚伦韦特 饰）帮忙，两人展开一场随时玩命嘅吹哨之旅，目标只有一个，就系向全世界揭开社交媒体巨人最不可告人嘅黑幕同真相！
《实境诱捕》：新闻节目主持人 Chris Hansen（罗拔柏迪臣 饰）同制作团队构思咗一项前所未有嘅「实境诱捕新闻节目」：团队成员喺网路上放蛇假扮未成年少男少女，吸引专门喺网上诱骗儿童嘅疑犯前往早已装设隐藏镜头嘅住宅赴约。Chris仲会带住摄影机突袭现身同𠮶啲疑犯现场对质，并配合警方进行即场逮捕。节目收视率一飞冲天，但以随即卷入一个新嘅漩涡之中。
《衣柜里的妈咪》：故事围绕Bela同家中一个诡异存在之间嘅不寻常关系，𠮶个存在嘅容貌竟然同佢嘅妈妈一模一样样，但佢嘅眼神、语气、渴望，全部都透露住非人嘅寒意。当「另一个妈妈」步步进逼，Bela同家人嘅黑暗之旅先
至啱啱开始。
《留家灵》：传说中，有一种马来民间的世袭家族巫术—灵仆。灵仆听命于契约主人，替其消灾解厄，但一切皆有代价。梅罗为咗保护年幼嘅小朋友，无奈继承家族灵仆。后来怪事连连发生，家人性命岌岌可危，恶鬼仆匿匿，佢已经无法再离开呢个家。
本周电影龙虎榜，截至10月7号中午，第1位《生化危机》、第2位《狂野雄心》、第3位《空枪》
