随住TVB处境剧《爱‧回家之开心速递》落幕后，龙家多年陪伴已经长埋观众心中，但10月8号大龙生罗乐林因获得TVB「杰出员工奖」，龙家二太苏恩磁、三太樊亦敏、大小姐林淑敏、「送水辉」许家杰及「Joe少」何晋乐，嚟个龙家合体支持，并预祝大龙生日快将踏入79岁生日，令似曾相识嘅场面重现观众眼前。
忙住开拍《爱．回家之三代同糖》嘅阿仔Terry虽然未有现身，但佢一向戏里戏外都好孝顺爸爸，知道大龙生攞奖，特别亲笔画咗幅大龙生嘅Q版肖像画作送俾爸爸做贺礼，画中嘅大龙生打招牌煲呔、穿上西装，以粉色系列为主好醒神，勾画五官嘅神绪细致，Terry仲留言话：「今次真系龙咁威，龙爸爸今日攞杰出员工奖，画幅画恭喜佢先。」唔少网民见到都大赞Terry画功一流，简直系爱回家之光。
