澳门上葡京综合度假村呈献《璀璨之城》将于10月12号首播，剧集喺澳门著名景点大三巴、十月初五街、新马路金碧坊等实景拍摄，靓人靓景吸引观众。呢日全剧演员登场宣传 张智霖、 吴卓羲、 高海宁， 张曦雯、 姜大卫、 江美仪、 陈炜、 陈晓华、 陈滢、 周志康、 蒋家旻 等齐齐现身剧透角色。
剧集围绕家族权力斗争，歴尽人性丑恶，Chilam同Ron展开明争暗斗，两人都话剧集出街时预咗俾人闹爆，喺记者会上两兄弟已率先斗嘴，Chilam大爆Ron好色，两人齐叫观众睇剧后评评理。
Ron同Kelly因为合作剧集而传出挞着相恋，两人首度同场，又默契十足齐齐送心心好Sweet咁，获得大家嘅祝福。不过佢哋对拍拖一事就口劲一致话，想知佢哋系点要睇《璀璨之城》，Kelly则甜笑表示可以同Ron、Chilam合作当然开心，依家大家都估紧佢哋系咪一齐，睇剧就知道，Ron则接住话要留啲玄念俾大家。
Chilam今次嘅大反派角色挑战佢演艺生涯极限，同佢饰演一对嘅高海宁就见证住Chilam成魔之路，仲话Chilam平日系一个好友善健谈嘅人，但一埋位就被对方嘅气场震慑住。
Chilam 19岁大嘅儿子张慕童，近日接连跟住老豆开骚吸收经验，Chilam好支持阿仔嘅发展，觉得要因材施教，阿仔对音乐好有兴趣，知道佢开骚自己向音乐监制自荐通过咗，就俾佢试吓，而且Chilam正举行巡回，佢都想阿仔喺佢身边，依家仲可以一齐演出就更加开心。
陈晓华今次饰演陈滢上司，两位分别喺剧中都会有前所未有嘅演出，一个就火辣，一个就柔情似水，Hera喺第一集已经会令人睇到㷫恰恰。
