TVB剧集《死有对证》喺10月9号晚大结局，吴若希 饰演单佩嘉嘅死因，喺 陈晓华 饰演嘅程芷昕追查下水落石出，知女友为自己而牺牲嘅詹柏宇( 阮浩棕 饰)，获准喺拘留期间出席女友丧礼，而拍摄呢幕告别戏时，阮浩棕非常感触，投入角色爆喊收唔到声，连瞓喺棺材嘅Jinny都话感受到震动。
Jinny接拍呢套剧收到最多利是，因为要不停演被杀同死尸戏份，但系佢就好满意自己演技，仲话由第一次演死尸，试过拍佢死后，Hera喺身边说话，佢好想回应，觉得自己唔够专业，容易影响对手，最后一场戏做死尸就有好大进步。
陈晓华喺丧礼上嘅戏份，令观众有所感悟，而首次瞓棺材嘅Jinny都话呢套剧畀咗好多启发佢，记得之前去到坟场拍摄，见到好多骨灰龛，有老人家、有BB，觉得人生无常，要好好珍惜。