许志安相隔11年再次踏上红馆举行一连三场演唱会，全场观众爆满。安仔呢晚献唱多首耳熟能详嘅金曲，令歌迷勾起集体回忆，并感激乐迷多年嚟支持，成就佢一个美梦。
头场嘉宾揾嚟Eason陈奕迅，一齐合唱《幸福摩天轮》，两把靓声令观众听得如痴如醉，Eason话安仔喺佢心目中，一路冇跌出三甲嘅歌手，又忆起自己入行不久到录音室，撞见安仔录《男人最痛》只碟，以为要好长时间，点知个几钟后安仔就话录完搞掂，令佢当时好惊叹。Eason希望安仔余下嘅场数继续享受舞台。
为咗开骚，安仔又操得一身弗爆身材，喺劲歌环节当然要派福利骚麒麟臂载歌载舞，将全场气氛升温齐齐起动，尾声唱出《一千次日落》时，安仔不禁感触落泪。
