冯允谦 同 黄淑蔓 呢日以代言人身份出席活动，Jay日前先啱啱喺巴黎做完嘢返港，估唔到呢一次巴黎之行，令佢有意外收获。
Jay话自己近年爱上抽卡，佢指自己每次出trip都会到唔同卡舖睇吓，今次佢就喺巴黎抽到自己好钟意嘅NBA球星嘅限量金色签名卡，Jay话抽中𠮶刻自己开心到癫咗。唔少人因为沉迷抽卡游戏而同另一半起争执，不过Jay就话每次买卡都会同另一半坦白，仲话自己限定每个月只可以买一次，相当节制。
早前因为同林子峰Stone 睇骚而传绯闻嘅 黄淑蔓 ，就话唔多回应绯闻一事，希望大家畀多啲空间，注意佢哋嘅工作，佢又指Stone被影到冇拉裤链一幕，自己都睇到有人Tag佢，笑言呼吁大家多啲留意身边朋友嘅仪容呀。
