TVB剧集《死有对证》结局充满人性启发，而剧集推出以嚟饰演程芷昕嘅陈晓华（Hera），演活一位由初哥去到熟手嘅法医角色，同韦家雄呢对师徒CP大受欢迎，两人角色每集面对生死课题。
myTV SUPER一齐拆解亡命真相
程医生随住《死有对证》落幕同观众别离，Hera喺结局播出后发文分享内心感受，多谢角色带俾佢嘅一切，令佢有所体会「生死之外无大事 」愿大家遇到甚么困难都会想起《死有对证》，每一集都有死亡。
Hera指死亡与离别系夹杂复杂情绪连带好多结果，面对𠮶阵好难过，或许一时三刻无法处理，要喺有限时间好好珍惜、好好面对，将来先唔会终身抱憾，劝勉人人都要好好珍惜一切「理所当然」。
Hera又配上多张拍摄剧集花絮相，有同韦家雄嘅互动，有笑得非常灿烂，亦有攰到恰眼瞓嘅情景嚟为自己作结，好多网民赞Hera今次嘅表现，仲觉得佢瞓觉个样好可爱添。Hera长文抒发情感向观众道别后，还谦虚话：「晓华不善表达，但这些情，一直都在心中。」
Hera虽然呢套剧告别观众，但喺12号播出嘅《璀璨之城》中，亦会见到Hera另一个角色，佢日前喺宣传活动上已经预告有破格演出，叫观众同粉丝唔好错过。
