周杰伦BIGBANG大巨蛋骚惊喜同框 粉丝期待两大天王音乐上合作

韩国天团BIGBANG一连三日喺台北大巨蛋开骚，头场GD、大声同太阳唱跳全晚，令全场4万歌迷high爆。天王周杰伦除咗送上花篮，更带埋太太昆凌亲自到场睇骚支持，周董事后喺社交平台post出同BIGBANG三子后台合照，令两边粉丝惊喜又兴奋。

合照中仲见到周董嘅好朋友阿Ken，阿Ken嘅出现其实系有任务在身，原来系昆凌特别交代阿Ken要带台湾名产凤梨酥送畀BIGBANG三子，阿Ken喺自己嘅IG搞笑地质问周董，「今天如果不是因为凤梨酥，是不是就不找我来了」。

事实上GD同周董一直有私交，二人曾经喺巴黎时装周同场，上年GD到台湾开个人演唱会，仲特别上周董嘅豪宅作客，相信两边粉丝最期待嘅一定系两位天王可以有音乐上嘅合作。