何晋乐近日喺社交平台开心宣布自己考车牌终于pass，原来佢上年肥佬一次，今年卷土重来终于过关，唔怪得阿Rock兴奋到第一时间昭告天下啦！
阿Rock话对考车牌有心魔，佢形容「一个渺小嘅人类要驾驶一个足以取人性命嘅大型机器系好恐怖」，佢因工作需要所以局住要考，而自己上堂过程讲得最多嘅一句说话就系「条街真系好多黐线佬」。阿Rock话考牌时惊险不断，俾同一条友喺同一条路阴咗两次，好彩自己反应得切。
阿Rock正式晋升P牌驾驶，好多声梦好朋友都送上祝贺，包括已经有车牌嘅姚焯菲、钟柔美，仲有《爱‧回家》嘅拍档古佩玲、李泳豪等。而阿Rock最后仲温馨提示大家「求吓大家真系唔好乱过路，我真系唔想有意外」。
